Klinti është një djalë 18-vjeçar i mësuar me skenën që në fëmijëri, pasi ka marrë pjesë në disa spektakle.

Ai tashmë është një artist i njohur në tregun e muzikës shqiptare. Një vit më parë, me mbështetjen e publikut, ia doli të rrëmbente trofeun e madh të ‘The Voice of Albania’.

Rikthimi i tij jo si konkurrent, por këtë herë si i ftuar duket se ka emocionuar mjaft publikun, i cili e ka cilësuar Klintin si fenomen në fushën e muzikës.

Por çfarë do të performojë ai në mbrëmjen Gjysmëfinale të ‘The Voice Kids’? Kjo mbetet për t’u parë të Premten, në orën 21:00 në Top Channel.