Në natën e fundit të Audicioneve të Fshehura të ‘The Voice Kids’ u njohëm me Gabrielin. Një fëmijë i talentuar në muzikë me një pasion të veçantë për rrjetet sociale. Gabrieli përveçse është shumë aktiv në profilin e tij në Instagram, është dhe shumë aktiv në komente dhe reagime ndaj postimeve të të tjerëve.

Ndonjëherë më shumë seç duhet, duke e bërë që kjo gjë t’i kushtojë. Si një fëmijë që ëndërron të bëhet artist në të ardhmen, ai ndjek të gjithë idhujt e tij në Instagram. Gabrieli tregon se Selena Gomez  i ka bërë “block” duke mos e lejuar kështu të vizitojë profilin e saj. Gabrieli rrëfen se kjo gjë ka ndodhur pasi ka shkruar më shumë se 2000 komente brenda pak orësh në një postim të sajin.

Por kjo nuk është e vetmja histori që Gabriel ka në lidhje me rrjetet sociale dhe reagime të personazheve që ai ndjek ndaj tij. Shikoni videon e plotë për të ditur më tepër nga Gabrieli dhe pasioni i tij.