Është gati e pabesueshme të shohësh kaq shumë fëmijë të talentuar dhe në kaq shumë disiplina. ‘The Voice Kids’ çdo të premte njeh publikun me këta artistë të vegjël që emocionojnë me zërin, karakterin dhe personalitetin e tyre artistik.

I tillë ishte dhe Joni, i cili mori pjesë në Audicionet e Fshehura të Natës së pestë të këtij spektakli. Ai studion piano, por ëndërron të bëhet një këngëtar rock-u i famshëm, ndaj dhe ka krijuar një bandë muzikore me miqtë e tij. Ata praktikohen çdo ditë për të arritur të perfeksionohen dhe të arrijnë sukses.

Me shije të veçanta muzikore dhe ajo çka është më e rëndësishme origjinale dhe jo rastësore, Joni mori komplimenta nga trajnerët edhe pse nuk arriti të kalonte këtë fazë.