E para që u ngjit në skenë ishte Sindi, e cila këndoi ‘When we were young’ nga Adele. Sindi si gjithmonë dhuroi një performancë të bukur, e cila mbushi sallën me duartrokitje.

Pas Sindit ishte radha e Sarës, e cila performoi një tjetër këngë të fuqishme, por këtë herë në shqip. Ajo këndoi këngën ‘Nata’ të Aurela Gaçes, duke arritur kështu edhe një herë të tregojë talentin e saj.

Patris përgjatë javëve në ‘The Voice Kids’ na ka sjellë këngë që i kanë rezistuar viteve. Me zërin e saj të veçantë dhe karakteristik solli në skenë ‘Jolene’ të Dolly Parton, duke krijuar atmosferën e viteve ’70.

Frensi në mbrëmjen e sotme këndoi ‘Caught in the rain’ nga Beth Hart. Një performancë shumë e saktë dhe e veçantë.