Denisi është konkurrenti i parë që kalon Betejat për të shkuar drejt Netëve Live të ‘The Voice Kids’. Një kampion në kërcim po korr sukses të merituar dhe në këngë.

Ai arriti të bëjë për vete të gjithë trajnerët, të cilët shtypën butonin për të. Ata mbetën të mahnitur me zërin e tij. Pavarësisht se të gjithë trajnerët u kthyen për të, Denis B. zgjodhi të punojë me trajneren Miriam, duke u bërë kështu pjesë e skuadrës së saj.

Denisi vjen posaçërisht nga Italia për këtë talent show që është ëndrra e tij më e madhe. Video e Audicionit të Denisit ka 95,001 klikime, duke treguar qartas pëlqimin e publikut kundrejt tij.

Në Beteja ai ishte përballë Anjës dhe Ermës. Performanca e tyre ishte në nivele të larta artistike. Në fund të saj, trajnerja Miriam Cani vendosi të vazhdonte garën me Denisin.