Ky sezon i ri televiziv do të rikthejë sërish në Top Channel Eneda Tarifën

Për të gjitha ata që u ka munguar Eneda në ekran, do të kenë mundësi ta shohin në “The Voice Kids” ku do të jetë në rolin e trajnerës.

Lajmi është bërë i ditur në faqen zyrtare të spektaklit  ku shkruhet: Eneda Tarifa gati për një skuadër përrallash! Ajo vjen për herë të parë si trajnere në ‘The Voice Kids’ e gatshme për të punuar e për t’u argëtuar me konkurrentët e vegjël.

Ajo rikthehet në Top Channal pas një viti largimi nga spektakli i humorit “Portokalli” dhe nga ekrani në përgjithësi. Këngëtarja kishte njoftuar më herët se ky sezon do e gjente me projekte të shumta, por pa e bërë të ditur se për çfarë bëhet fjalë.

Në “The Voice Kids, Eneda do të qëndrojë përkrah Miriam Canit dhe dy trajnerëve të tjerët, emrat e të cilëve priten të bëhen publike në ditët në vijim.