Ledion Liço ka postuar vazhdimisht foto nga audicionet dhe mbledhjet e The Voice Kids, por data e fillimit të tij mbetej misteri që spektatorët mezi prisnin të zbulohej.

“Na plasët xhanin për pak, Voice, kur do filloni?”, shkruante një profil dje në foton e Ledionit me një nga trajneret, Miriam Canin. Në të vërtetë, ishin fotot nga spoti që do të shpallte datën e fillimit të spektaklit, i cili nis në janar.

Ndoshta nuk është aq shpejt saç e prisnit, por të paktën tani ka një datë. Në një foto me katër trajnerët që do të drejtojnë tri skuadra, sepse Aleksandër dhe Renis Gjoka do të ulen në një karrige, ai ka zbuluar fillimin e spektaklit “nga janari!”. E kanë bërë të duket si koha kur do të dalë në dritë një bebe që ka qenë në bark këto muaj dhe barkun më të përshtatshëm për të konkretizuar idenë e kanë gjetur te Sandër Gjoka.

Tani do prisni, por e dini deri kur.