Jemi njohur me talente, karektere por dhe shumë histori në këtë edicion të ‘The Voice Kids’ që na kanë emocionuar pa masë. Faza e Audicioneve të Fshehura është një nga fazat më të rëndësishme të këtij talent show, sepse përcakton fillesën e aventurës së fëmijëve.

Kjo është arsyeja pse fëmijët kanë nevojë për të gjithë mbështjetjen nga miqtë apo famljarët e tyre. Shpeshherë kjo gjë është e pamundur për shkak të vendodhjes së familjarëve. Sara, konkurrentja nga Tirana që u bë pjesë e Skuadrës Gjoka, që mahniti me zërin e saj potent, një prej njerëzve më të dashur për të e kishte larg. ‘The Voice Kids’ mundësoi një lidhje të drejtëpërdrejtë me motrën e saj me anë të një video telefonate, për të bërë Sarën të ndihet e mbështetur dhe gjithashtu për t’i dhënë mundësinë së motrës të përjetonte ‘live’ së bashku me pjesën tjetër të familjes aventurën e Sarës.

Nga prapaskena ajo arriti të shijojë interpretimin e shkëlqyer të Sarës si dhe të bëhet pjesë e urimeve të para.