Një ndër vendimet më të vështira në “The Voice Kids” për një konkurrent është të përzgjedhë këngën që do të këndojë në Audicionet e Fshehura.

Shumë artistë përgjatë këtij edicioni na kanë surprizuar me vokalet e tyre që shpalosen falë këngëve që ata përzgjedhin dhe këtë vit, talentet kanë qenë të shumtë.

“The Voice Global” së fundmi ka publikuar një video, me 5 performancat më të bukura të këtij spektakli nëpër botë, të cilët janë shfaqur me këngët më të vështira.

Në vendin e 3-të ata kanë renditur performancën e Erzës me “I Am Telling You I’m Not Going”. Konkurrentja e cila është në skuadrën e Miriamit, u paraqit në natën e dytë të Audicioneve të Fshehura duke mahnitur publikun dhe trajnerët me zërin e saj.

Më poshtë mund të ndiqni të gjitha performancat e “The Voice Kids” nëpër botë, konkurrentët e të cilëve kanë përzgjedhur këngën më të vështirë në Audicionet e Fshehura.