Shkrim publikuar nga Top Albania Radio

Puna për të sjellë këtë format kaq të bukur në ekranet tuaja ka nisur që në muajin shtator ndërkohë që audicionet e shfehura sapo kanë filluar.

4 trajnerët do të jenë në luftë për të përzgjedhur zërat më të mirë dhe emocionet sa vijnë dhe shtohen. “The Voice Kids” ka rezervuar surpriza të ndryshme dhe një ndër to sapo është zbuluar.

Fituesi i këtij spektakli do të shpërblehet me një bursë të ofruar nga “New York High School”, çmim ky që ofrohet për të mbështetur fëmijët e talentuar e për t’u dhënë atyre një edukim dinjitoz sipas standarteve europiane.

Risitë dhe surprizat e tjera nuk do të mungojnë në këtë kompeticion ndërkohë që pritjes suaj dalëngadalë po i vjen fundi sepse prej 19 janarit, “The Voice Kids” do të shfaqet në ekranet e të gjithë shqiptarëve.